40 dərəcə isti gözlənilir

İyulun 2-də Bakı və Abşeron yarımadasında hava şəraiti əsasən yağmursuz olacaq, gecə yarımadanın bəzi yerlərində qısamüddətli yağış yağacağı ehtimalı var.Ekologiya və Təbii Sərvətlər Nazriliyi Milli Hidrometeorologiya Departamentinin xəbərinə görə, gecə yarımdada 21-25°, gündüz 30-35°, bəzi yerlərdə 37° isti, Bakıda gecə 22-24° , gündüz 33-35° isti olacağı gözlənilir.

Azərbaycanın rayonlarında da hava şəraiti əsasən yağmursuz keçəcək, gecə bəzi dağlıq ərazilərdə şimşək çaxa, qısamüddətli yağış yağa bilər.

Gecə 21-26° , gündüz 35-40° isti, dağlarda gecə 14-19°, gündüz 25-30° isti olacağı gözlənir.

Milli Hidrometeorologiya Departamenti xəbərdarlıq edir ki, iyulun 3-dən 6-dək Bakı və Abşeron yarımadasında 33-37°, bəzi yerlərdə isə 39° isti ola bilər.

İyulun 3-dən 7-dək bəzi rayonlarda isə 35-40°, Naxçıvan MR-da və Mərkəzi-Aran rayonlarının bəzi yerlərində 41-43°, dağlıq rayonlarda isə 28-33° isti olacağı gözlənir.