Qızlarımız Hindistanda ABŞ millisinə qalib gəliblər

Paylaşılma tarixi: Dec 15, 2014 2:21:44 PM

Xəbər verdiyimiz kimi, bu gün Hindistanın Pəncab ştatının Nabha şəhərində Kabaddi komanda güləş növü üzrə Dünya kuboku uğrunda mübarizə aparan qızlarımız ABŞ millisi ilə görüşməli idilər. "Kabaddi Dünya Kuboku - 2014" ("2014 Kabaddi World Cup") Wikipedia səhifəsindənhttp://en.wikipedia.org/wiki/2014_Kabaddi_World_Cupaldığımız məlumata görə, milli komandamız ABŞ komandasına 38-32 hesabı ilə qalib gəliblər. Xatırladaq ki, komandamız sabah - dekabrın 16-da Cəlalabadda Hindistan komandası ilə yarışacaqlar.

Məlumat üçün deyək ki, sözügedən yarışlarda Dünya kuboku uğrunda 8 milli qadın komandası(ABŞ, Hindistan , İngiltərə, Danimarka, Pakistan, Yeni Zellandiya, Meksika, Azərbaycan) və 11 milli kişi komandası (ABŞ, İran, Pakistan, Danimarka, Avstraliya, İngiltərə, İspaniya, Kanada, Argentina, İsveç, Hindistan) olmaqla 19 komanda mübarizə aparır. Azərbaycan komandası dekabrın 10-da, ilk dəfə Xanna şəhərində meydana çıxmış və Danimarka komandası ilə mübarizə aparmışdr. Millimiz kifayət qədər əzmkarlıq nümayiş etdirsə də, sonda daha təcrübəli danimarkalılar 40-17 hesabı ilə qalib gəlmışlər.