Merkel Putinin bu şok təklifindən sonra özünə gələ bilmədi

Paylaşılma tarixi: Feb 05, 2015 3:58:35 PM

Merkel Putinin bu şok təklifindən sonra özünə gələ bilmədi03.02.2015 16:48Bölmə: DünyaOxunma sayı: 14209Görüşdə əslində nədən danışılmışdı?Ölkə.Az xəbər verir ki, "Financial Times" müxbirləri 2014-cü ilin noyabr ayında Brisbendə Rusiya Prezidenti Vladimir Putin və Almaniyanın kansleri Angela Merkel arasında baş tutan qapalı danışıqların konkret mövzusu barədə məlumatlar əldə edib. Jurnalistlərin fikrincə, 4 saatlıq söhbət Putinin Qərbə qarşı irəli sürdüyü ittihamları uzun siyahını səsləndirməsi ilə başlayıb. Bundan sonra Rusiya Federasiyasının lideri NATO-nun Şərqdə fəaliyyətinin genişləndirilməsi mövzusuna keçib və Qərb ölkələrinin İraq, Əfqanistan və Liviyaya qarşı apardığı ağılsız siyasətdən bəhs edib.

 Bildirilir ki, Merkel yumşaq formada Putini görüşün mövzusuna, yəni Ukrayna böhranına qaytarmaq istəsə də, Putin qəfildən "çeçen" variantı ilə getməyi təklif edib. Dəqiqləşdirici suala cavab verən Putin bəyan edib ki, Kiyev separatçılara muxtariyyət verməli və loyallığa görə Moskva kimi ödəniş etməlidir.

 Qeyd olunur ki, Putinin bu bəyanatı Merkeli o dərəcədə şoka salıb ki, o, bir müddət özünə gələ bilməyəcək. Növbəti gün isə kansler Sidneydə olarkən bəyan edib ki, Rusiya təkcə Ukrayna üçün yox, həm də Gürcüstan və digər ölkələr üçün təhlükə ola bilər.

 Eyni zamanda, Kremldən olan adı çəkilməyən mənbə bildirib ki, Merkel və Putin arasında düşünüldüyü kimi heç bir xüsusi münasibətlər olmayıb. Mənbənin sözlərinə görə, Putin və Merkelin bir-birilərini görməyə gözləri belə yoxdur.

Rəşid Mustafazadə

Ölkə.Az