Misir Ordusu İŞİD-in mövqelərini bombaladı

Paylaşılma tarixi: Feb 16, 2015 6:49:30 PM

 Misir 21 vətəndaşını qətlə yetirən İŞİD terrrorçularına qarşı qisas əməliyyatına başlayıb. APA TV-nin xəbərinə görə, Misir Hərbi Hava Qüvvələri terrorçuların Liviyadakı mövqelərini bombalayıb. Hərbi Qərargahın açıqlamasında prezident Əbdül Fəttah əs-Sisinin ilə keçirilən təhlükəsizlik toplantısında İŞİD-in Liviyadakı qoluna aid hədəfləri vurmaq barədə qərar qəbul olunub. Hava əməliyyatı bu qərara əsasən həyata keçirilir. Bundan başqa, Liviyanın bir hissəsinə nəzarət edən general Xəlifə Hafter də İŞİD-lə mübarizədə Misirə yardım edəcəyini açıqlayıb. Qeyd edək ki, ötən həftə İŞİD terrorçuları qaçırdığı 21 misirli xristianın edamdan qabaqkı fotosunu paylaşmışdı. Dünən isə edamın video görüntüləri yayılıb. Bundan sonra Misirdə 7 gün, Fələstində 3 gün yas elan edilib.