Azərbaycan Mədəniyyət Mərkəzində Xocalı soyqırmı anılıb - Kiyevdə

Paylaşılma tarixi: Feb 25, 2015 7:8:6 PM

AZADİNFORM. Kiyev Xarici Dillər Universitetində SOCAR-ın təşkilatçılığı ilə açılan Azərbaycan Mədəniyyət Mərkəzində Xocalı soyqırmı anılıb. AZADİNFORM xəbər verir ki, tədbir Ümumukrayna Azərbaycanlı Gənclər Təşkilatı tərəfindən təşkil olunub. Universitetin prorektor köməkçisi İnna Yuryevna bildirib ki, bu kədərli günlərdə ukraynalılar Azərbaycan xalqı ilə Xocalı soyqırmını anır. ÜAGT-nin sədr müavini İsgəndər Zamanov vurğulayıb ki, Ukrayna 23 il bundan əvvəl Azərbaycanın başına gələnləri bu gün yaşayır. Xarici Dillər Universitetinin professoru Nevzat Kayabaş bildirib ki, Türk xalqı da hər zaman Azərbaycanın kədərini və sevincini birgə bölüşür və Xocalıda baş verənləri soyqırmı hesab edir.

 Tədbirin sonunda Heydər Əliyev Fondu tərəfindən çəkilmiş “Xocalı şəhərinin tarixi” adlı videoçarx izlənilib.

http://www.azadinform.az/