Xarkovda Ukraynanın bütünlüyünə dəstək mitinqində terror – 3 ölü...

Bu gün Ukraynanın Xarkov şəhərində ölkənin vahidliyinə dəstək mitinqində, şəhərin İdman Sarayının yaxınlığında partlayış baş verib. Musavat.com Ukrayna qaynaqlarına istinadən xəbər verir ki, partlayış nəticəsində ilkin məlumata görə, 3 nəfər ölüb, onlarla yaralı var. Bu barədə Xarkov Şəhər Prokurorluğunun mətbuat xidməti məlumat yayıb. Hazırda hadidə yerində müstəntiqlərin işlədiyi deyilir. Partlayış mitinq iştirakçıları kolon halında Xarkovun mərkəzinə doğru hərəkətə gələn zaman baş verib.  Şahidlərdən birinin dediyinə görə, çox güman ki, hadisə naməlum şəxsin avtomobildən aksiya iştirakçıları tərəfə tulladığı əl qumbarasının partlaması nəticəsində baş verib.http://musavat.com/