Paylaşılma tarixi: Jan 28, 2015 5:16:36 PM
4 saylı Cəzaçəkmə Müəsissəsində cəza çəkən Lamiyyə Quliyevanın bu gün ictimaiyyətə çatdırmağı xahişi generala ağır zərbə vurub…Bu gün «türmə»də atası naməlum uşaq dünyaya gətirən Lamiyə Quliyevanın müraciəti yayılıb… L.Quliyeva deyir: "…İki il bundan əvvəl mənə qarşı ücüncü dəfə açılan cinayət işinin (bundan əvvəl Lamiyə Quliyevanın məhkumluğu bir dəfə 5 il 6 ay artırilmışdı – red.), ittihamın qarşısını Xətai rayon Məhkəməsi bəraət hökmü ilə dayandırdı… Lakin prokurorun apellyasiya şikayəti əsasında Bakı Apellyasiya Məhkəməsi Xətai rayon Məhkəməsinin qərarını ləğv etdı və mənə daha 6 il 6 ay azadlıqdan mərhumetmə cəzası kəsdi… Apellyasiya məhkəməsi ilə bağlı mən Bakı İstintaq Təcridxanasında saxlanılırdım (2013-cü ildə. Red.) və o zaman orada istintaqı aparılan, həbsdə saxlanılan bir şəxslə öz istəyimlə görüşdüm. Həmin şəxs uşağımın atasıdır…».Bu dəqiqələrdə redaksiyamıza daxil olan bir mötəbər məlumatda bildirilir ki, artıq Penitensiar Xidmətin rəisi Mədət Quliyevdən baş verənlərlə bağlı ciddi izahat tələb olunub və onun istefa ərizəsi yazması tələb edilib…
Mənbə onu da bildirdi ki, ümumiyyətlə, qanunvericilikdə təcridxanada, xüsusən də Bakı İstintaq Təcridxanasında müxtəlif cinslilərin bir yerdə saxlanılması qeyri-mümkün (qanunda) olduğu halda, Lamiyə Quliyevanın hansısa kişi məhbusla bir yerdə saxlanılması və sonra hamilə qalması mümkünsüz haldır. Bu, yalnız təcridxana rəisinin buna qanunsuz halda, hansısa kabinetdə baş verməsinə icazə verməsi halında mümkün ola bilər…. Bu da ağla batan versiya deyil. Lamiyə kim idi ki, bu baş versin: «…Bunlar bir daha o ehtimalı real edir ki, Lamiyənin hamiləliyi 4 saylı həbsxanada baş verib və keçmiş rəis M.Məmmədovun həyacanı onu deməyə əsas verir ki, bu hamiləlikdə şübhələr onun üzərindədir…»
Hazırda general Mədət Quliyevin istefaya razılıq verməsi məsələsinə aydınlıq gətirməyə çalışırıq.
«Təzadlar»ın Araşdırma Qrupu
P.S.Qeyd edək ki, "Təzadlar" etibarlı mənbəyə istinadən dünən bu məsələyə-uşağın atasının kimliyi məsələsinə toxunmuşdu... Bu gün dərhal bu versiyanı ortaya atdılar ki, guya Lamiyə etiraf edir ki, istintaq təcridxanasında hamilə qalıb... Hətta DNK analizi də verilib, nəticə də var... Nəticə nə tez aşkar olundu? Səhiyyədə bu analiz ən azı 1-2 aya mümkün olur!
Əksinə, indilərdə bizə məlum oldu ki, Lamiyəyə söz veriblər ki, səni tezliklə buraxacağıq, amma sən də bizi xilas elə və belə danış...
P.P.S.Sual olunur: əgər Bakı İstintaq Təcridxanasında qadın-kişinin dir yerdə olması və "yaşaması" bu qədər asandırsa və mümkündürsə, niyə Leyla Yunusla əri Arif Yunusu bir yerə salmırlar? Axı onların nigahı da var...
Daha geniş yazı "Təzadlar"ın sabahkı sayında olacaq!