Sabiq prezident Mixeil Saakaşvilinin tərəfdarları Tbilisidə etiraz aksiyası keçiriblər

Gürcüstan Vahid Milli Hərəkat Partiyasının təşkilatçılığı ilə martın 21-də Tbilisidə etiraz aksiyası keçirilib.Tbilisinin Azadlıq meydanında keçirilən mitinqdə on minlərlə insan iştirak edib. Aksiya iştirakçıları ölkədə iqtisadi tənəzzülün olduğunu bildirərək hökumətin istefasını tələb ediblər. Partiyanın sədri, hazırda Gürcüstan prokurorluğu tərəfindən axtarışda olan sabiq prezident Mixeil Saakaşvili aksiyaya video bağlantı ilə qoşulub.Aksiya insidentsiz başa çatıb. Partiya rəhbərliyi mitinqlərin davamlı olacağını bəyan edib.Gürcüstanın Baş naziri İrakli Qaribaşvili bu aksiyanı ölkədə sabitliyin pozulmasına yönəlmiş cəhd adlandırıb. Baş nazir deyib ki, hökumət hər hansı pozucu hərəkətin qarşısını qətiyyətlə alacaq və ölkədə yenidən qarşıdurmalara imkan verməyəcək.http://xeber1.az/