Əl-Bağdadi və İŞİD qadınları haqqında gizli məlumatlar üzə çıxıb

Paylaşılma tarixi: Jun 10, 2015 3:36:17 PM

NYT: ABŞ kəşfiyyatı İŞİD haqqında 7 terabayt məlumatı deşifrə edib. Ölkə.Az xəbər verir ki, nüfuzlu "The New York Times" qəzetinin yazdığına əsasən, ABŞ xüsusi xidmət orqanları İŞİD terror təşkilatının strukturu, liderləri, maliyyə əməliyyatları və gizli məqsədlərinə dair kütləvi şəkildə informasiyalar əldə ediblər. Bu məlumatlar Suriyada xüsusi əməliyyatlar nəticəsində ələ keçirilmiş noutbuk, mobil telefon və digər informasiya daşıyıcılarından götürülüb. Həmin məlumatlar radikal islamçıların mövqelərinə dəqiq hava zərbələrini endirməyə və ABŞ-ın iddia etdiyi kimi yaraqlıların başçısı Əbu Həmidi məhv etməyə kömək edib. Kəşfiyyat orqanları 4-7 terabayt informasiyanı analiz etməyə imkan verib. Analizlər nəticəsində İŞİD lideri Əl-Bağdadinin hansı yollarla gizləniyini öyrənmək mümkün olub. Qeyd olunur ki, lider hər hansı elektron qurğuların istifadəsindən qaçır. "The New York Times"a görə, İŞİD əmirlərinin arvadlarının İŞİD daxilində rabitəçi rolunu oynadığı üzə çıxıb. Onlar şifahi formada gizli məlumatları bir-birinə, daha sonra isə ərlərinə ötürürlər. Bununla da həmin informasiyanın elektron kəşfiyyatın əlinə keçmə ehtimalı sıfıra bərabər olur.

 Rəşid Mustafazadə

Ölkə.Az