Paylaşılma tarixi: Mar 13, 2015 5:44:3 PM
“Krokus Group” şirkətinin prezidenti, azərbaycanlı iş adamı Araz Ağalarov hökumət layihələrində iştirakın yaratdığı problemlər, ölkədəki mövcud iqtisadi durumla bağlı “Forbes”ə müsahibə verib.“Qafqazinfo” xəbər verir ki, iş adamı dövlətin tikinti layihələrində pul qazana bilmədiyini etiraf edib: “Dövlət tikintilərində qazana bilmirəm. Məsələn, dövlət bizə Uzaq Şərq universitetinin tikintisi üçün 73 milyard rubl ayırdı. Lakin bizə vaxtında ödəniş etmirdilər və öz vəsaitimizdən əlavə etmək məcburiyyətində qalırdıq. Nəticədə mən layihəyə öz büdcəmdən 3 milyard qoydum. Üstəgəl, öz təşəbbüsümlə orada bulvar saldırdım və 450 min kvadratmetrlik universitet binasını kondisionerlə təchiz etdim. Bir şeyi məni üzür. Mən bütün bunları edəndə elə insanlar tapılır ki, deyirlər, bu şərtlərdə hər kəs işin öhdəsindən gələrdi. Daha sonra yoxlamalar başlayır, niyə bu belədir, niyə bu belə deyil?..” Ağalarov ölkədəki mövcud iqtisadi böhranla bağlı da fikirlərini bölüşüb: “Düşünürəm ki, ilin sonunda hansısa iqtisadi qərarlar qəbul ediləcək. Biz emissiyadan qorxuruq və özümüzü bu fikrə adaptasiya etmişik ki, yeni pullar çap etmək olmaz, kredit vermək olmaz. Biz inflyasiyadan qorxuruq, biz hər şeydən qorxuruq. Halbuki məhz indi metanol, etanol, qalay istehsal edib bazarda satacaq müəssisələrə aşağı faizlə kreditlər vermək laızmdır. Tikinti industriyasını dəstəkləmək lazımdır, çünki biz iş yerləri yaradırıq, vergi ödəyirik və bu pullar yenidən büdcəyə qayıdır”.
http://avropa.info/