Tibbdə inanılmaz ixtira - Dərmanlara, cərrahiyəyə ehtiyac olmayacaq

Paylaşılma tarixi: Apr 25, 2015 4:26:29 PM

ABŞ-dakı universitetlərdən biri insan orqanlarını mikro-cihazlara nəql etməyin yolunu kəşf edib. Bu kəşf sayəsində insanların səhhətindəki problemləri onları uzun-uzadı müayinələrlə yormadan üzə çıxarmaq mümkün olacaq. Berkli universitetinin tədqiqatçıları yeni sistemlə insanı həyatda saxlayan orqanların funksiyasını cansız elektron qurğulara ötürür. Bu qurğular həmin orqanların orijinalından demək olar ki, fəaliyyət baxımından fərqlənmir. Deməli, xəstələri əməliyyat etməzdən, onlara dərman verməzdən əvvəl, orqanizmlərinin bu əməliyyata necə reaksiya verəcəyini də həmin qurğular sayəsində əvvəlcədən müşahidə etmək olar. Bu həm də, müxtəlif heyvanların laboratoriyalarda sınaq məqsədi ilə istifadə olunmasını tarixə qovuşduracaq.

 Bu mikro qurğu yetişmiş insan hüceyrələrini fərqli-fərqli toxumalara çevirə bilir. Bu isə o deməkdir ki, insanın fizionomiyasını bu xırda qurğunun içində yaşatmaqla baş qaldıra biləcək xəstəlikləri əvvəlcədən müəyyənləşdirib, qarşısını almaq olacaq. İnsanın saçından da incə olan qurğudakı ürək hüceyrələrinin müxtəlif sakitləşdirici və ağrıkəsici dərmanlara necə davam gətirdiyini, hansı vəziyyətə düşdüyünü öyrənmək də artıq əlçatmaz olmayacaq. Tibbdə inqilab kimi qiymətləndirilən bu kəşf sayəsində milyonlarla insanı xəstəliklərin ölüm saçan pəncəsindən xilas etmək xəyalı da demək olar ki, gerçəkləşmək üzrədir.

http://news.atv.az/