Paylaşılma tarixi: Feb 15, 2015 7:25:40 PM
ABŞ-ın keçmiş müdafiə naziri və Mərkəzi Kəşfiyyat İdarəsinin (MKİ) sabiq direktoru Leon Panetta Rusiya ilə münasibətlərdə zəifliyin deyil, gücün nümayiş etdirilməsinin vacib olduğunu bildirib. Musavat.com-un xarici KİV-ə istinadən verdiyi xəbərə görə, Panetta Ukraynaya hərbi yardım təklif edib ki, Kiyev nümayiş etdirsin ki, Moskva öz hərəkətlərinə görə böyük bir bədəl ödəməli olacaq.
MKİ-nin keçmiş rəhbəri atəşkəslə bağlı Minsk anlaşmasını alqışlayıb, lakin bu anlaşmanın uzunmüddətli olacağına şübhə edir. “Əgər Qərb ukraynalıları həm iqtisadi, həm də hərbi planda müdafiə eləməsə, mən ehtiyat edirəm ki, bu da əvvəlki sazişlər kimi müvəqqəti olacaq” – deyib Panetta.
Pentaqonun sabiq başçısı əlavə edib ki, Moskva yalnız güc dilini anlayır: “Əgər opponent zəiflik göstərsə, Rusiya bundan öz maraqları üçün istifadə edir. “Ukraynaya silahdan savayı, başqa hərbi kömək də göstərilməlidir – o sırada qonşu ölkələrdə NATO qüvvələri yerləşdirilməli və birgə təlimlər keçirilməlidir” – bildirib