Paylaşılma tarixi: Jan 26, 2015 5:29:36 PM
"Almaniyanın baş kansleri Anqela Merkelin verdiyi son bəyanatdan sonra Şimal qonşu yenə də öz iç üzünü otraya qoyaraq sərhəd bölgələrində gərginliyi artırmağa cəhd edir". Bunu Xəzərİnfo-ya açıqlamasında, Vəhdət Partiyası Sumqayıt şəhər təşkilatının sədri, politoloq Vasif Əfəndi bildirib. Politoloq qeyd edib ki, son günlər Ermənistanla sərhəd bölgələrdə intensivləşən atəş səsləri və düşmən qüvvələrin torpaqlarımızı daim atəş altında saxlamaq cəhdləri buna sübutdur: "Bundan başqa Ermənistan və Rusiya ərazilərində fəaliyyət göstərən qondarma "Talış" informasiya agentliyi və Talışıstan TV tərəfindən ölkəmizə qarşı bölücü siyasi kompaniya başladılıb". V.Əfəndi vurğulayıb ki, prezident İlham Əliyevi Davosda verdiyi bəyanatda Rusiyaya qarşı pis niyyətdə olmadığını bildirsə də, heç bir norma və əxlaq bilməyən Kreml şakərindən əl çəkmir:"Bununla da bir daha sübut edildi ki, Rusiya hakimiyyətinə nə qədər yarınsan da, öz bildiyini edir və edəcək.
Qeyd edək ki, Almaniyanın baş kansleri Angela Merkel Azərbaycan prezidenti İlham əliyevlə görüşdən sonra verdiyi bəyanatında Dağlıq Qarabağ münaqişəsinin həlli prosesinin uzanmasına görə Rusiyanı ciddi tənqid edib. O, bildirib ki, rəsmi Moskva bu münaqişənin həll olunmamasında maraqlıdır: "Kreml bu məsələdə Ermənistanla birgə hərəkət edir".
Ömər VƏZİRLİ