Şəkidə regionların sosial-iqtisadi inkişafı Dövlət Proqramının icrası ilə əlaqədar qarşıda duran vəzifələr müzakirə olunub

Paylaşılma tarixi: Mar 04, 2015 3:26:42 PM

Şəkidə regionların sosial-iqtisadi inkişafı Dövlət Proqramının icrası ilə əlaqədar qarşıda duran vəzifələr müzakirə olunub2015-03-03 “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunmuş konfransda Prezident İlham Əliyev tərəfindən verilmiş tapşırıqlarla əlaqədar martın 3-də Şəkidə İqtisadiyyat və Sənaye Nazirliyinin təşkilatçılığı ilə tədbir keçirilib.

Tədbirdə İqtisadiyyat və Sənaye, Kənd Təsərrüfatı nazirliklərinin, Azərbaycan Respublikası Prezidenti yanında Gənclər Fondunun, Şəki-Zaqatala və Dağlıq Şirvan iqtisadi rayonlarına daxil olan şəhər və rayonların icra hakimiyyətlərinin, Dövlət Proqramının icraçı təşkilatlarının nümayəndələri və sahibkarlar iştirak ediblər.

İqtisadiyyat və sənaye nazirinin müavini Sahib Məmmədov tədbirdə çıxış edərək, regionların sosial-iqtisadi inkişafı dövlәt proqramlarının rayonların iqtisadi potensialının artmasına, infrastruktur tәminatının, kommunal xidmәtlәrin keyfiyyәtinin daha da yüksәlmәsinә, biznes vә investisiya mühitinin, әhalinin rifahının yaxşılaşmasına sәbәb olduğunu bildirib. Qeyd olunub ki, dövlət proqramları ölkәnin strateji inkişaf hәdәflәrinә, müәyyәn edilmiş mәqsәdlәrә nail olunmasına әhәmiyyәtli töhfə verir. Bu baxımdan ötәn il dә “Azәrbaycan Respublikası regionlarının 2014-2018-ci illәrdә sosial-iqtisadi inkişafı Dövlәt Proqramı” çәrçivәsindә görülәn işlәrlə, hәyata keçirilәn layihәlәrlə, әldә edilәn uğurlu nәticәlәrlә zәngin olub.

Sahib Məmmədov bildirib ki, Prezident İlham Əliyev “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın birinci ilinin yekunlarına həsr olunmuş konfransda proqramın tam və keyfiyyətli icrasının təmin olunması məqsədi ilə dövlət qurumları, o cümlədən İqtisadiyyat və Sənaye Nazirliyi qarşısında mühüm vəzifələr müəyyənləşdirib. Konfransda dövlətimizin başçısı tərəfindən Dövlət İnvestisiya Proqramına prioritet layihələrin daxil edilməsi və vəsaitlərin istifadəsinə ciddi nəzarət olunması, məktəb, uşaq bağçası, səhiyyə və ictimai obyektlərin tikintisi, infrastruktur layihələrinin icrası, sahibkarlığa dövlət dəstəyinin gücləndirilməsi, sənaye klasterlərinin, hər bir rayonda sənaye zonasının, iri fermer təsərrüfatlarının, “yaşıl market”lərin yaradılması, aqroparkların tikintisinin davam etdirilməsi və digər məsələlər barədə müvafiq tapşırıqlar verilib. Nazir müavini dövlətimizin başçısının müəyyənləşdirdiyi tapşırıqların vaxtında və keyfiyyətlə icrası üçün İqtisadiyyat və Sənaye Nazirliyi tərəfindən Tədbirlər Planının hazırlandığını və icrasına başlandığını vurğulayıb.

Tədbirdə Şəki Şəhər İcra Hakimiyyəti başçısının birinci müavini Həsən Həsənov Prezident İlham Əliyevin diqqət və qayğısı nəticəsində regionların sürətlə inkişaf etdiyini, müasir texnologiyalara əsaslanan yeni müəssisələrin yaradıldığını, əhalinin məşğulluq səviyyəsinin artdığını diqqətə çatdırıb. Qeyd olunub ki, Dövlət Proqramı çərçivəsində ölkənin digər bölgələrində olduğu kimi, Şəkidə də quruculuq və abadlıq işləri geniş vüsət alıb, yeni istehsal və xidmət müəssisələri, sosial infrastruktur obyektləri açılıb.

Kənd təsərrüfatı nazirinin müavini İlham Quliyev regionlarda aqrar sahəyə dövlət tərəfindən göstərilən dəstək tədbirləri barədə məlumat verib, rəqabət qabiliyyətli məhsul istehsalının artırılmasının əhəmiyyətini vurğulayıb. Bildirilib ki, dövlətimizin başçısının müvafiq Sərəncamı ilə 2015-ci ilin Azərbaycanda “Kənd təsərrüfatı ili” elan edilməsi aqrar sahənin inkişafına mühüm töhfə verəcək.

İqtisadiyyat və Sənaye Nazirliyinin regionların inkişafı və dövlət proqramları şöbəsinin müdiri Elşən Əsədov regionların tarazlı inkişafı sahəsində əldə edilmiş nailiyyətlər və Dövlət Proqramında Şəki-Zaqatala və Dağlıq Şirvan iqtisadi rayonları üçün nəzərdə tutulan tədbirlər barədə məlumat verib.

Nazirliyin sahibkarlığın inkişafı siyasəti şöbəsinin müdiri Elçin İbrahimov çıxışında ölkədə biznes mühitinin daha da yaxşılaşdırılmasının bir istiqaməti kimi sahibkarlara göstərilən elektron xidmətlərdən bəhs edib.

Tədbirdə, həmçinin sahibkarların maarifləndirilməsi istiqamətində rayonlarda keçirilən tədbirlərin əhəmiyyəti, ixtisaslaşma və bu sahədə beynəlxalq təcrübənin ölkə regionlarına tətbiqi imkanları, regionlarda həyata keçirilən investisiya layihələrində Azərbaycan İnvestisiya Şirkətinin iştirak imkanları, Azərbaycan Respublikası Prezidenti yanında Gənclər Fondunun fəaliyyəti və həyata keçirilən layihələr barədə məruzələr dinlənilib.

Sonda iştirakçıları maraqlandıran suallar cavablandırılıb.