Azərbaycanda rüşvət alanların - Siyahısı

Paylaşılma tarixi: Jan 15, 2015 4:29:29 PM

    Baş prokuror yanında Korrupsiya qarşı Mübarizə Baş İdarəsinin 2014-cü ildə görülən işlərə dair hesabat tədbirində İdarənin rəisi Kamran Əliyev bir neçə qurumun öz işçiləri ilə bağlı aparılmış araşdırmalarından da danışıb.   "Qafqazinfo" xəbər verir ki, o bildirib ki, korrupsiyaya qarşı mübarizə sahəsində bəzi qurumlardan işçiləri ilə bağlı Baş İdarəyə 119 müraciət daxil olub:    "Həmin müraciətə əsasən 45 nəfər Səhiyyə Nazirliyindən, 21 nəfər Əmək və Əhalinin Sosial Müdafiəsi Nazirliyindən, 11 nəfər yerli icra hakimiyyəti orqanlarından, bir neçə nəfər isə Təhsil Nazirliyindən məsuliyyətə cəlb olunub".    K. Əliyev həmçinin qeyd edib ki, hər vəzifədən sui-istifadəyə görə cinayət işi açıla bilməz:

    "Ola bilər vəzifədən istifadə edib korrupsiya törədib, amma ortaya ziyan yoxdur. O zaman şəxs vəzifədən uzaqlaşdırılır, amma cinayət məsuliyyətinə cəlb edilmir. Hər hüququ pozan şəxs haqda həbs qətimkan tədbiri seçmək təhlükəli olar. Təcrübə göstərir ki, belə hallarda ehtiyatlı davranmaq lazımdır".

   Uşaq bağçalarının fəaliyyətində qanunsuzluqlarla bağlı çoxlu şikayətlər var idi. Sənədlər toplanıb Bakı Şəhər İcra Hakimiyyətinə göndərildi. Bunlarla bağlı icra hakimiyyətinin başçısı şəxsən görülən tədbirlər barədə məlumat verdi.

   Biz müvafiq qurumlara göndərdiyimiz sənədlərlə bağlı işləri daim nəzarətdə saxlayırıq. Elə olur ki, vətəndaş təkrar bizə meraciət edib deyir ki, ona şikayətinə görə təzyiq edilir, hədə-qorxu gəlinir. Yaxud deyirlər ki, mənə şikayətimi geri götürməyim üçün şirnikləndirici təkliflər edilir. Biz bütün bu müraciətləri də araşdırıb müvafiq tədbir görürük".

                                                                                                                                    Murad