Şəkidə Cəfərabad kəndi ərazisində kurqanı dağıdıblar

Paylaşılma tarixi: Oct 09, 2015 5:36:52 PM

Son dəqiqələrdə QAZİLER.AZ saytının əldə etdiyi məlumara görə, Şəki rayonun Cəfərabad kəndində yerləşən qədim tarixi abidə - erkən tunc dövrünə aid nəhəng kurqan tipli dəfn abidəsi naməlum dəstə tərəfindən dağıdılmaqdadır.

Abidəni qorumağa çalışan yerli sakinlər həmin dəstə tərəfindən abidəyə buraxılmırlar. Dövlətin rəsmi qeydiyyatına düşmüş Azərbaycanın qədim tarixi abidələrindən biri olan Cəfərabad kurqanının vəhşicəsinə dağıdılmasının qarşısını almaq üçün Azərbaycan Elmlər Akademiyası Arxeologiya və Etnoqrafiya İnstitutunun arxeoloqu İntizar Bədəlova hadisə yerinə yollanıb.

QAZİLER.AZ-a hadisə yerindən məlumat verən İntizar Bədəlova bilidirir ki, hazırda kurqanın üzərindəki qəbirlər dağıdılmışdır. Kurqanda iki oyuq açılmışdır. Oyuğun birinin dərinliyi 4 metr, digəri isə 2 metrə yaxındır. Arxeoloqun bildirdiyinə görə, kurqanın üzərində 10 AZ 527 dövlət nömrə nişanlı ekskavator abidəni dağıdıb. Abidənin ətrafında rayon polislərindən də nümayəndələrin olduğunu bildirən İ.Bədəlova qeyd etdi ki, hazırda kurqanın qazılmış yerini doldurmaq üçün cəhd olunur. Lakin arxeoloq bunun qarşısını çətinliklə də olsa alıblar. Hadisə ilə bağlı Mədəniyyət və Turizm Nazirliyini və AMEA-nı da xəbərdar edəcəklərini bildirən arxeoloq məsələyə ictimaiyyətin diqqətinin də cəlb etməyin vacib olduğunu söyləyib.