Zaqatalada zəhərlənmə faktı qeydə alınıb.

 Zaqatala sakini 1975-ci il təvəllüdlü Gülcənnət İsmayıl qızı Bubuşova zəhərlənmə əlamətləri ilə Zaqatala Rayon Mərkəzi Xəstəxanasına daxil olub. Xəstəxanadan verilən məlumata əsasən həkim müayinəsi və araşdırmasından sonra məlum olub ki, 40 yaşlı Gülcənnət Bubuşova dərman qəbul edərək zəhərlənib. Xəstəxananın reanimasiya şöbəsinə yerləşdirilən Gülcənnət Bubuşovaya lazımi tibbi yardım göstərilib, hazırda vəziyyəti orta-ağır kimi qiymətləndirilir. Faktla bağlı Zaqatala rayon prokurorluğunda araşdırma aparılır.