Rusiyada Mərkəzi Bankın əməkdaşı üç həmkarını güllələdi

Paylaşılma tarixi: Jan 27, 2015 3:43:24 PM

   Daha sonra cinayətkar özünü öldürüb.

    Rusiya Mərkəzi Bankının Amur vilayəti üzrə Baş idarəsinin müdir müavini üç həmkarını güllələdikdən sonra intihar edib.

   Bunun Rusiya İstintaq Komitəsinin İstintaq İdarəsinin nümayəndəsi “İnterfaks”a bildirib.

   “Mərkəzi Bankın vilayət idarəsinin müdir müavinin qurbanları arsında iki qadın və bir kişi var. Həlak olan qadınlardan biri bank müdirinin müavini, digər qadın isə bankın şöbə müdiri olub. Kişi – bankın idarələrindən birinin müdiri olub”, - agentliyin həmsöhbəti bildirib.

    Onun sözlərinə görə, qatil qadınları onlardan birinin otağında, kişini isə Mərkəzi Bankın idarəsinin birinci mərtəbəsində qətlə yetirib. Hər üç qurban elə hadisə yerində keçiniblər. Bundan sonra isə qatil intihar edib.

   Cinayətin mümkün motivləri arasında qatilin işində problemlərin olmasıda yer alır.

Həftə.Az