Tiflis küçələrində timsah, begemot və pələng gəzir

Paylaşılma tarixi: Jun 14, 2015 10:46:24 AM

Tiflisdə baş vermiş güclü daşqın nəticəsində paytaxt zooparkındakı vəhşi heyvanların qaçdığı da bildirilir. "Trend"in "Qruziya-Onlayn"a istinadən verdiyi məlumata əsasən, zooparkdan qaçan heyvanların axtarışına aidiyyəti qurumların qüvvələri və xüsusi təyinatlılar cəlb olunub. Məlumata görə, heyvanxanadan qaçan 6 canavar öldürülüb. Şəhərdə timsah, begemot və pələngin gəzdiyi bildirilir. Şahidlər deyiblər ki, iki şir də öldürülüb. Zoopark ərazisində ölən heyvan yoxdur. Daşqında ölən insanların sayı isə 10-a çatıb.* * *10:04Tiflisdə baş vermiş güclü daşqın nəticəsində ölənlərin sayı 7 nəfərə çatıb.Gürcüstan Dövlət Təhlükəsizlik Şurasının rəhbəri Mindiya Canelidze təbii fəlakət nəticəsində 4 nəfərin öldüyünü bildirib. Onlardan 3-nün qadın olduğu qeyd edilir. Tiflis meri David Narmaniya sonradan daha bir nəfərin meyitinin aşkarlandığını bildirib. Hazırda ölənlərin sayı dəqiqləşdirilir.

Tiflisin bir neçə mərkəzi yollarında hərəkət məhdudlaşdırılıb.

Daşqın zamanı zooparkdakı vəhşi heyvanların qaçdığı da bildirilir. Zooparkdan qaçan heyvanların axtarışına aidiyyatı qurumların qüvvələri və xüsusi təyinatlılar cəlb olunub.

Təbii fəlakət zamanı müxtəlif xəsarətlər almış 20-dək sakin xəstəxanalara çatdırılıb. Daha 10 nəfər itkin düşmüş hesab edilir ("Trend").