PKK/HDP Türkiyəni qarışdırdı: Dini lider qətlə yetirildi, qarşıdurma başlandı - 4 ölü , yaralılar var

Türkiyənin Diyarbəkr şəhərində "Huda Par" təşkilatının liderlərindən olan Aytaç Baran PKK tərəfindən qurulan pusqu nəticəsində öldürülüb. Avropa.info xəbər verir ki, bundan sonra qətlə etiraz edərək küçələrə çıxan "Huda Par"lılarla PKK tərəfdarları arasında qarşıdurma yaşanıb. Qarşıdurma nəticəsində 4 nəfərin öldüyü və yaralıların olduğu bildirilir. Aytac Baranı qətlə yetirənlərdən biri Bayram Dağtan adlı bir PKK tərəfdarı qaçarkən yaxalanaraq infaz edilib.  Hadisəyə Türkiyə polisi reaksiya verib, artıq "Huda Par" liderinə qarşı sui-qəsd törətmiş 3 nəfər həbs olunub. PKK-nın siyasi qolu HDP isə "Huda Par"a qarşı təcavüzü pisləyən bəyanat verib. "Huda Par" isə hadisənin məhz PKK və onun siyasi qolu HDP tərəfindən törədildiyini bəyan edib. Qeyd edək ki, dindar kürdlərin yaratdığı Huda Par-la PKK, HDP arasında ciddi qarşıdurmalar yaşanır.http://avropa.info