UKRAYNAYA 34 MİLYONLUQ YARDIM

Paylaşılma tarixi: Apr 14, 2015 3:51:3 PM

İslaminsesi.org-un verdiyi xəbərə görə, Beynəlxalq Qırmızı Xaç Komitəsi (BQXK) donor ölkələri Ukraynaya humanitar yardım üçün 34 milyon dollar ayırmağa çağırıb.Bu pullar münaqişə nəticəsində evsiz-eşiksiz olan insanlara yardım etməyə, tibb müəssisələrinə dəstək, o cümlədən, həlak olanların şəxsiyyətinin müəyyənləşdirilməsində kömək üçün yönələcək - deyə komitədən bildirilib."Baxmayaraq ki, döyüşlər bir az səngiyib, lakin hər gün xəsarət alanlar var. Cəbhəyanı zonalarda, bütün region üzrə mülki şəxslər və köçkünlər çox ağır şəraitdə yaşamağa məcburdur." - deyə Şərqi Avropa və Mərkəzi Asiya regionu üzrə humanitar əməliyyatların rəhbəri Loran Korba qeyd edib.Onun sözlərinə görə, münaqişənin başlanmasından bir il keçməsinə baxmayaraq Ukraynanın şərqində vəziyyət çox ağırdır, köməyə ehtiyac isə böyükdür.

Qeyd edək ki, 2015-ci ildə BQXK münaqişənin getdiyi Donetsk, Luqansk vilayətinə 3 min tondan çox humanitar yük göndərib.

http://www.islaminsesi.org/