Paylaşılma tarixi: Feb 15, 2015 4:26:4 PM
Türkiyənin baş naziri Əhməd Davudoğlunun bir rayonun azadlığı qarşılığında belə Ermənistanla sərhədləri açmağa hazır olduqları ilə bağlı verdiyi açıqlama Azərbaycan cəmiyyətində birmənalı qarşılanmayıb. İnsanların bəzisi bunu Türkiyənin Qarabağ məsələsindəki qeyri-prinsipial mövqeyi kimi qəbul edib. Maraqlıdır, Davudoğlunun açıqlaması Azərbaycanın maraqlarına nə dərəcədə cavab verir? Bu, Türkiyənin Qarabağ məsələsindəki qeyri-prinsipiallığı kimi dəyərləndirilə bilərmi? “Borçalı” Cəmiyyətinin sədri, tanınmış ictimai-siyasi xadim Zəlimxan Məmmədli Modator.az-a eraçıqlamasında Davudoğlunun bu açıqlamasını tamamilə normal qəbul etdiyini və bunda Azərbaycanın maraqlarına, onun nüfuzuna zidd heç nə görmədiyini vurğuladı: “Onu qeyd edim ki, Türkiyənin Qarabağ probleminə mövqeyi birmənalıdır və buna görə də ayrı-ayrı dövlətlərin təzyiqləri ilə üzləşməkdən çəkinmir. Bəlkə də türk birliyinin kökü baradadır. Bu vəhtəd dayanıqlı olarsa xəyallarda qurduğumuz birlik gerçəkliyə çevrilər. Hörmətli Davutoğlunun bu ifadəsi də dəqiq diplomatik ifadədir. Anlatmaq istəyir ki Ermənistan destruktivdir, pozucudur, aqressordur. Belə olmasaydı, heç olmasa bir rayonun azad olunmasına razı olardı. Bu ifadədə siyasətlə məşğul olan birisi kimi Azərbaycana sayğısızlıq adına heç nə görmürəm”.Seymur Əliyev