Balakəndə dəyəri 3 milyon manat olan yol salınacaq

Paylaşılma tarixi: Dec 10, 2014 5:46:36 PM

Prezident İlham Əliyev Balakən rayonunun Balakən-Sarıbulaq-Qabaqçöl-Xalatala avtomobil yolunun tikintisi ilə bağlı əlavə tədbirlər haqqında sərəncam imzalayıb.44 min nəfər əhalinin yaşadığı 15 yaşayış məntəqəsini birləşdirən Balakən-Sarıbulaq-Qabaqçöl-Xalatala avtomobil yolunun tikintisinin davam etdirilməsi məqsədi ilə 2014-cü il dövlət büdcəsinin dövlət əsaslı vəsait qoyuluşu xərclərinin bölgüsündə kəndlərarası avtomobil yollarının tikintisi və yenidən qurulması üçün nəzərdə tutulmuş vəsaitin 2,9 milyon manatı Balakən Rayon İcra Hakimiyyətinə ayrılıb. Sərəncamda bildirilir ki, Maliyyə Nazirliyi nəzərdə tutulan məbləğdə maliyyələşməni müəyyən olunmuş qaydada təmin etsin və Nazirlər Kabineti bu sərəncamdan irəli gələn məsələləri həll etsin

Xəbər Əhməd Fərruxoqlu. Zaqatala.