Paylaşılma tarixi: Nov 22, 2014 4:5:20 PM
Balakən rayonunda boks üzrə yeniyetmələr arasında VII Respublika Oyunlarının final mərhələsi keçirilib. Turnirdə 115 yeniyetmə qələbə uğrunda mübarizə aparıb.
Gənclər və İdman Nazirliyinin Boks Federasiyası ilə birgə təşkil etdiyi çempionatda 20 şəhər və rayondan, o cümlədən 7 klub və cəmiyyətdən olan yeniyetmələr iştirak edib. Ümumilikdə 2001-2002-ci il təvəllüdlü 115 yeniyetmə 15 çəki dərəcəsində mübarizə aparıblar. Yeniyetmələr arasında bu cür oyunlarının keçirilməsində əsas məqsəd qabiliyyətli idmançıları üzə çıxarmaqla beynəlxalq səviyyəli boksçular yetişdirməkdir. Yarışlara sabah yekun vurulacaq.
Sadıq Fətəliyev