Din xadiminin evindən 100 min manatlıq qızıl və silah oğurlayan şəxs tutulub

Paylaşılma tarixi: Feb 27, 2015 7:30:50 PM

Salyanda mənzildən oğurluq edən şəxs tutulub. APA TV-nin Daxili İşlər Nazirliyinin saytına istinadən verdiyi məlumata görə, Salyan Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində fevralın 1-də Hacıhüsnü Həsənovun evindən 100 000 manat dəyərində qızıl əşyalar və 1 ədəd “Churcill” markalı tüfəng (müvafiq sənədləri olan) oğurlayan Qarabağlı kənd sakini, əvvəllər məhkum olunmuş Şakir Ağamalıyev tutulub. Qeyd edək ki, Hacıhüsnü Həsənov Qafqaz Müsəlmanları İdarəsinin (QMİ) Salyan və ətraf 6 rayon üzrə qazısıdır.

http://apa.tv/