Sərkisyan Putinə arxadan zərbə vurdu

Paylaşılma tarixi: Mar 19, 2015 2:48:47 PM

“Avronest”in Parlament Assambleyasının İrəvanda keçirilmiş iclasında Rusiyanın Ukraynaya hərbi təcavüzü barədə qətnamə qəbul edilib. Azərbaycan nümayəndə heyəti Ermənistan paytaxtına getməmişdi. Beləliklə, Rusiyanın əsas müttəfiqi həmişə olduğu kimi ermənisayağı davranıb, Rusiya əleyhinə qətnaməni dəstəkləyib. Ermənistan nümayəndə heyətinin başçısı Artak Zakaryan səsvermə öncəsi jurnalistlərə bildirib ki, bu qətnamə ilə bağlı onların ümumi mövqeyi yoxdur, buna görə öz fərdi rəyinə əsaslanaraq səs verəcək. Nəticədə, onların rəyi Rusiya əleyhinə olub. Yəqin ki, “Avronest”in Parlament Assambleyası da buna təşəkkür əlaməti olaraq rəsmi İrəvana özünə məxsus şəkildə təşəkkür edib. Uydurma erməni soyqırımının yüzilliyi barədə qətnamə qəbul edilib. Yeri gəlmişkən, Ukraynadan olan deputat bunun əleyhinə səs verib və Ermənistanı bir sıra məsələlərlə bağlı heç zaman dayanıqlı mövqeyə malik olmamaqda günahlandırıb. Yəqin ki, rəsmi İrəvanın bu cür davranışı ikitərəfli Rusiya – Ermənistan münasibətlərinə birbaşa təsir göstərməyəcək. Amma Moskvada bir sıra siyasətçiləri düşünməyə məjbur edəcək ki, niyə rusların hər cür kömək elədiyi bir ölkə özünü Rusiyaya qarşı bu cür aparır? Xatırladaq ki, AŞPA-da Rusiyanın səs hüququndan məhrum edilməsi ilə bağlı səsvermə keçiriləndə də rəsmi İrəvanın təmsilçiləri ermənisayağı davrandılar – bitərəf qaldılar.

 İki ölkənin üzdə görünən yaxınlığına baxmayaraq, hansısa soyuqlaşma özünü göstərir. Rusiya, Qazaxıstan, Belarus liderlərinin bu gün Astanaya təyin edilmiş görüşü də buna sübutdur, ölkəsi Avrasiya İttifaqının tam hüquqlu üzvü olmasına baxmayaraq, Serj Sarkisyanı görüşə çağırmayıblar.

 Görünür, Kremlin erməni müttəfiqləri barədə fikirləşməyə başlamasının vaxtı çatıb. Necə deyərlər, sayıqlığı itirmək olmaz.

http://cumhuriyyet.az/