Paylaşılma tarixi: Jan 09, 2015 4:59:53 PM
Almaniyanın kansleri Anqela Merkelin sensasion bəyanatla çıxış etməsi diqqəti yenə Krım üzərində cəmləşdirib. Belə ki, kansler Rusiyaya qarşı tətbiq edilən sanksiyaların ləğv edilə biləcəyini bəyan edib. Amma onun səbəbi aradan qaldırılsa. Almaniya kansleri Anqela Merkel isə əsas səbəb kimi Krımın işğalını göstərib.
Ölkə.az-a danışan politoloq Zərdüşt Əlizadə Rusiyanın Krımdan çəkilməsinin real olmadığını bildiridi. Onun fikrincə, Krımdan geri çəkilmək Putin üçün siyasi intihara bərabərdir.
"Rusiya Krımı özünə bütün hüquqi proseduarlara riayət edərək qəbul edib. Və məhz Krıma görə Putinin reytinqi çox yüksəkdir. Krımdan geri çəkilmək Putin üçün siyasi intihara bərabərdir. Ona görə də onun Krımdan çəkilməsi real deyil. Hətta Rusiya Krım məsələsini bağlayıb. Bunu Qərbdəki gerçəkçi insanlar qəbul ediblər. Onlar Krımın taleyini Ukrayna elitasının günahı hesab edir. O ki, qaldı cəza tədbirlərinə, sanksiyalara bunlar Krıma görə tətbiq edilməyib. Qərb çoxdan Rusiyanın əlehinə işləyirdi. Bu sadəcə bir bahənə idi. Son olaraq deyə bilərəm ki, nə qədər ki, hakimiyyətdə Putindir Rusiyanın siyasəti dəyişən deyil".
Xatırladırıq ki, Ukraynanın baş naziri Arseniy Yaçenyuk Berlində rəsmi səfərdədir və bu gün onun alman həmkarı xanım Merkellə görüşəcəyi gözlənilir.
Fatimə İbrahimova
Ölkə.az