Şəmkirdə 4 min cücə yanaraq tələf olub

Paylaşılma tarixi: Jan 27, 2015 4:54:39 PM

  Şəmkirin Seyfəli kəndində quşçuluq fermasında yanğın baş verib. Şəmkir rayon Yanğından Mühafizə Hissəsindən APA TV-nin qərb bürosuna verilən məlumata görə, hadisə yanvarın 26-da saat 20.00 radələrində qeydə alınıb. Kənd sakini Yaqub Ələkbərova məxsus içərisində 8 minə yaxın bir aylıq quş saxlanılan fermada güclü yanğın baş verib. Alov fermanın tavanının 80 kvadratmetr hissəsini yararsız hala salıb və fermada olan 4 minə yaxın quş tələf olub: "4 min cücə almışam. 5-3 qəpik dolanışığım üçün saxlayırdım. Sobanı yandıranda yerə qığılcım düşüb. Gəlib baxdım ki, yerdən alov qalxıb".  Hadisə yerinə Şəmkir Dövlət Yanğından Mühafizə Hissəsinin 2 yanğınsöndürən avtomobili və canlı qüvvəsi cəlb olunub. Alovun yayılmasının qarısı alınıb. 4 minə yaxın quş yanmaqdan xilas edilib.